宜家嘅世情是咁的：用正能量講歪理叫和諧；光顧邪骨場所喺冇問題，但出現喺被定性為暴動場所呢就必然喺參與暴動；出產黑心食物嘅公司照常營業，喺網絡頻道浪費食物嘅就要被罰巨款；做不實報道嘅傳媒日日如常大放厥詞，標明喺成人節目嘅就話喺有傷風化。
我曾經喺港台一個節目裡面推薦大家讀意大利作家羅大里的一本經典童話《謊話國》（https://m.facebook.com/RTHKthismorning/videos/1009284952858758 /）佢出生同成長嘅年代，正正喺獨栽者墨索里尼橫行之時，《謊話國》完全反映當代社會嘅政治現實，呢種荒誕無稽嘅現實，到今日仍然存在，而且變本加厲。
我哋今日會話歷史上好多暴君、獨栽者、極權者都犯下彌天大錯，呢啲錯喺佢哋同埋好多共犯，包括無數邪惡的平庸合力做成嘅，我哋叫呢啲做Fault，Fault 喺由好多mistakes累積而成嘅，基本上喺明知故犯，目的當然喺為咗名利權，既然喺明知故犯，咁一方面就要將錯誤掩飾、粉飾，指鹿為馬喺指定動作，《謊話國》成本書都喺呈現呢種現象。政治喺一種言說嘅行動，基本上喺靠把口做嘢嘅，所以能夠操控語言，搶奪到話語權，咁就取得致勝關鍵。漢娜·鄂蘭喺《人的條件》裡面用「勞動（labour）、工作（works ）和行動（action）區分人，前兩種都喺極權統治者容易操控嘅，只有具行動嘅人會令統治者頭痕。行動人嘅特點喺有獨立思維，並且呈現喺語言文字上面。
我認為勞動者和工作者最忌喺出錯，統治者喺無所不用其極令佢哋唔好犯錯，但行動者嘅本質喺嘗試同冒險，往往以錯誤為師，從錯誤中學習，而嗰啲錯誤唔係mistakes而喺error，前者往往喺知而犯錯，後者喺預計以外發生嘅，所以喺另一個角度睇，喺充滿不穩定性，與此同時又最充滿驚喜嘅。行動者唔需要亦唔能夠由傳統或者所謂正統去定義佢，佢最大嘅敵人就喺自己，如果唔能夠從error中修正，咁行動就註定失敗。
最近男團Error人氣高企，佢哋最寶貴嘅資產就喺error，無論佢哋呈現出嚟嘅喺高檔或低俗，設計好定喺爆肚，觀眾就喺想睇佢哋冇諗過會咁發生嘅嘢，佢哋要珍惜呢種隱藏未知嘅error嘅可塑性，慢慢塑造更好嘅自己，先可以長做長有。嗰啲批評佢哋低俗教壞細路嘅閒雜人等，佢哋最終只喺想用所謂正統嘅金鋼圈嚟維穩，寧扼殺多元創意都要保存過氣但維穩嘅平台，咁未來就唔會有未來，只有痴呆。
Kommentare